Orðin craaaaaazy sminka;oþ

Bara þokkalega ánægð með þessa niðurstöðu;o)
(0) comments

# posted by Lonni Björg Hansen : 4:00 e.h.

....ammæli í dag, ég á ammæli í dag, ég á ammæli ég sjálf, ég á ammæli í dag. Til hamingju með ammælið Ég;o)
En að öðru, mikið rosalega var Idolið eitthvað skrítið í gær. Það er alveg greinilegt að hann Stebbi Hilmars er þrusu söngvari eins og ég hef haldið fram í mörg ár. Krakkarnir í Idol voru nebblega engann veginn að ráða við þessi lög og ég er alveg sammála Stebba, af hverju tók enginn þessar ljúfu ballöður sem Sálin á???? Og annað, hver er að hjálpa krökkunum að velja lög og tóntegundir???? Þau voru öll og þá meina ég ÖLL með of lága tóntegund, þetta finnst mér bara fyrir neðan allar hellur. Og eitt komment í viðbót á Idolið, mikið rosalega var ég fegin að Margrét Lára datt út en ekki Lísa, bara sorry M.L. er ágætis söngkona en það er bara eitthvað við hana sem fer í taugarnar á mér og þar að auki var hún ekki góð í gær. Og meira um tívíið en annar þáttur, þá var ég ekkert smá fegin að Kelly vann The Apprentice en ekki hún Jenifer. Hann bað um að fá að vera P.M., en það gerði hún aldrei. Svo tók hún líka allt hrósið fyrir Levi's verkefnið og hún skildi ekki einu sinni út á hvað þessi skífa gekk út á.
Ása vinkona kom til okkar í gær og tók smá tiltekt með okkur, þannig að núna er bara smá fínesering eftir svo að fólkið geti komið í partý í kvöld og sett allt í drasl aftur hehe(smá djókur í gangi). Svo ætlar elskan mín að bjóða mér út að borða í kvöld, hann er svoooooo mikið yndi og ég ELSKA hann alveg út af lífinu.
Jæja ætli það sé ekki best að fara að gera eitthvað að viti hérna.
Knús í krús.
Afmælisbarnið;o)
(0) comments

# posted by Lonni Björg Hansen : 3:16 e.h.

Ég er byrjuð í skólanum og það er alveg meiriháttar gaman, ég er sko alveg að finna mig í þessu. Kórinn er líka byrjaður aftur eftir jólafrí og ég ætla sko að halda áfram í honum þótt svo að ég geti aldrei verið nema í rétt rúmann klukkutíma. Síðustu helgi vorum við Baldur í mömmó alla helgina með Mikael Orra og það var ekkert smá æðislegt, mar fékk alveg smjörþefinn af því hvernig er að vera með svona lítið kríli og ég get sagt ykkur það að bjölluhljómurinn minnkaði sko ekkert eftir þessa helgi, hann jókst bara ef eitthvað var(dingalingaling). Á föstudaginn var svo grímuball hjá Gospelsystrum og var bara þvílíkt stuð þrátt fyrir dræma mætingu. Svo fórum við á Player's seinna um kvöldið og ekki var minna stuð þar. Svo kom ég heim um 3 leytið, horfði á Idolið og pantaði mér 12"pizzu, sem ég b.t.w. át nánast alein og það hefur ekki komið fyrir ég veit ekki hvað lengi og namm hvað hún var góð. Í gær var nottla bara afslöppun fram eftir degi og svo fórum við með kjúllabringur til Lilju og Baldurs og elduðum þar og gáfum þeim auddað með okkur og svo var bara spjallað fram eftir kvöldi og voða næs. Á leiðinni heim komum við Baldur við á videoleigu sem hefur ekki gerst lengi og tókum okkur spólu. Við tókum Dodgeball og er hún barasta fínasta afþreying, hann Ben Stiller klikkar sjaldan. Í dag komu svo amma og afi í kaffi og mættu sjálf með meðlætið með kaffinu, ekki slæmt að fá svoleiðis gesti í kaffi. Svo hringdi tengdamamma líka í okkur og bauð okkur í mat, þannig að það er lítil hætta á því að maður farist úr hungri.
Annars er ég búin að finna nýjan drykk í staðinn fyrir pepsí max og það er hinn umdeildi drykkur kristall plús. Ég bara fæ ekki nóg af þessum drykk, ég vona að þetta leyfi sem þeir þurftu að sækja um sé komið í gegn því að ég er að verða búin að tæma lagerinn í öllum verslunum og sjoppum. Ætli það sé eitthvað ávanabindandi í þessu????? Ég bara spyr, ég er allavega algjörlega húkkt á þessu. Þeir þurfa líka að fara að framleiða þetta í 2ja lítra flöskum því að þetta er orðið soldið dýrt að kaupa alltaf bara 1/2 líter.
Næstu helgi ætla ég svo að halda upp á ammælið mitt því að í ár er ég svo rosalega heppin að eiga ammæli á laugardegi, þannig að mar eiginlega verður að halda smá tieiti. Skál fyrir því, hehe;o)
En jæja dúllurnar mínar, nú held ég að ég verði að fara að taka úr þurrkaranum og koma mér til tengdó.
Knús í krús;o)
(0) comments

# posted by Lonni Björg Hansen : 5:27 e.h.

Jæja gott fólk, þá er ég bara nánast búin að kasta þessari flensu út. Ég fór og hitti John á föstudaginn og hann vildi ekki senda mig í stera þar sem að ég var með flensu, því að sterarnir brjóta niður ónæmiskerfið, þannig að þá væri bara hætta á að fá lungnabólgu og ekki vil ég það. Svo var hann Atli búinn að panta sumara og vorum við nú ekki viss hvort að við myndum fara sökum veikinda, en svo ákváðum við bara að skella okkur með og vera bara eina nótt. Síðan tók bara svo geðveikt langann tíma að komast að bústaðnum sökum MIKILS snjós að við ákváðum bara að vera báðar næturnar. Við sem sagt fórum 5 saman, ég, Baldur, Björg, Tryggvi og Atli. Við byrjuðum á því að villast aðeins og fórum eitt bílaplanið þarna og strákarnir fóru út og athuga hvort við værum á réttum stað og klofuðu snjóinn og prufuðu að stinga lyklinum í örugglega 5 bústaði og ekkert gekk. Þannig að við þurftum að leita betur, og þá festist bíllinn hjá Tryggva og Björgu og það tók sinn tíma að losa kaggann. Síðan fundum við rétt plan og strákarnir aftur af stað og máta lykilinn í nokkur skráargöt til viðbótar og loks fannst kofinn. En þá var gamanið sko bara rétt að byrja, því að kofinn var svo kafi í snjó að það var ekk fyndið. Þannig að aumingja strákarnir lentu í þvílíkum snjómokstri á meðan við stelpurnar sátum bara í rólegheitum út í bíl á tjattinu. Annars var mjög gaman í bústaðnum, við spiluðum Popppunkt og verð ég nú bara að hrósa því spili fyrir skemmtanagildi. Svo var nottlega fengið sér aðeins í tánna og strákarnir fóru í pottinn í 10 stiga gaddi *brrrrr* segji ég nú bara. Og flensan mín bara skánaði alveg helling og dofinn líka þannig að ég get bara ekki verið annað en sátt;o)
En jæja gott fólk, nú er ég að fara að horfa á Amazig Race, þannig að ég læt bara heyra í mér seinna. Yfir og út;o)
(0) comments

# posted by Lonni Björg Hansen : 6:59 e.h.

Hann Baldurinn minn smitaði mig af einhverjum óþverra og nú liggjum við bæði tvö lasin í bælinu. Svo er ég líka eitthvað dofinn í þremur puttum á hægri hendinni og hægra megin í andlitinu(svipað og þegar tannsi er búinn að deyfa mann) svo að ég slefa alltaf ef ég ligg á hægri hliðinni(ekkert smá sexý það). Þannig að ég hringdi í minn yndislega John í gær og sagði honum það að hann þyrfti eiginlega að vera búinn að fixa mig fyrir 17. janúar því að þá byrja ég nebblega í skólanum. Ég tók þá ákvörðun á mánudaginn að nú skyldi ég hætta að tala alltaf um það að fara í förðunarnám og bara láta verða að því, þannig að ég hringdi í No Name og tékkaði hvort það væri ekki laust hjá þeim á námskeiðinu sem er að byrja og það var laust þannig að ég bara skráði mig. En svona til þess að klára það sem ég byrjaði að segja frá John, að þá ætlar hann að hitta mig á morgun og ef hann ætlar að setja mig inn í stera að þá vona ég að ég komist inn bara helst á mánudaginn svo ég verði búin að jafna mig þegar skólinn byrjar.
Ég var líka að fá mér broskalla aftur og var bara alveg búin að gleyma því. Hvernig væri að mar myndi prufa eins og einn, en þeir eru ekki alveg að virka hjá mér:o( þannig að ég verð bara að prufa síðar.
Nú ætla ég bara í bælið aftur og glápa á imbann eða eitthvað, þannig að ég segi bara yfir og út;o)
(0) comments

# posted by Lonni Björg Hansen : 1:43 e.h.

Hér var ég í sakleysi mínu á Laufásveginum með Björgu, Atla og Arnari úti að reykja og hvað haldiði KIEFER SUTHERLAD gekk fram hjá okkur og við óskuðum honum HAPPY NEW YEAR!!!!!!!!!!!!!!!!!!!!!
Langaði bara að deila þessu með ykkur;o)
(0) comments

# posted by Lonni Björg Hansen : 1:22 f.h.

Það er nú ekki hægt að segja að ég bloggi ekki, hmmmmm. Maður bloggar bara strax eftir miðnætti og óskar fólki gleðilegs nýs árs rétt rúmlega tólf. Ég er best, ég er best, liggaliggalái. Eg veit reyndar ekkert hvað ég á að segja núna, en ég vil bara þakka ykkur fyrir lesturinn á árinu sem er að líða og vona ég að þið munið halda lestrinum áfram á nýju ári.
Gleðilegt nýtt ár og takk fyrir það gamla;o)
Lonni Björg
(0) comments

# posted by Lonni Björg Hansen : 1:15 f.h.